KALUSUGAN

INAALAGAAN KO ANG KALUSUGAN NG MGA KABARANGAY KO
Ulat ni Kagawad RESTITUTO P. HERNANDEZ Jr.,
Chairman: Committee on Health

Sa panahon ngayon ng krisis marapat lamang na unahin natin ang kalusugan ng bawat isa lalong lalo na ang mga kabarangay natin na halos hikahos sa buhay at ang ibibili nila ng gamot at iba pang bagay na may kinalaman sa pag-aalaga ng sarili ay ipantatawid na lamang ng kanilang mga sikmura. Ang responsibilidad at patakaran sa pagbibigay ng mga kinakailangan serbisyo sa kalusugan at medikal ay ipinasa na sa pamahalaang lokal pagkatapos na mapagtibay Kodigo ng Pamahalaang Lokal o ang Local Government Code of 1991.

Ang malasakit po ng inyong lingkod sa pangangalaga ng kalusugan ng ating mga kabarangay ang siyang nagbunsod sa akin upang ilunsad ang mga proyektong pangkalusugan bilang Committee Chairman ng Committee on Health. Ang suporta ng ating Punong Barangay NORVIC D. SOLIDUM at mga kasama kong Kagawad ang siyang naging daan upang maisakatuparan ko ang mga proyektong kapaki-pakinabang para sa ating mga kabarangay.

Mula noong nakaraang Hunyo 2008 ay nakapagtala po tayo ng 2,600 na asong nabakunahan na bahagi ng ating seryosong kampanya sa Anti-Rabies Protection para sa ating mga kabarangay. Isinusunod natin ang mga patakaran at alituntunin ng ating programa sa naipasang ordinansa ng Sangguniang Bayan ng San Pedro, Laguna.

Nitong nakaraang Pebrero 28, 2009 ay nagsagawa po tayo ng Medical Mission na kung saan ay nakapagserbisyo tayo ng medikal at dental sa isanlibo (1,000) kabarangay.

Ang pinakabagong proyekto na buong ipinagmamalaki ng ating barangay ay ang SAN VICENTE BIRTHING HOME na matatagpuan sa Chrysanthemum Village na kung saan nakatuon ang serbisyo nito sa ating mga inang nagdadalantao at manganganak na kulang sa pantustos sa kanilang gastusing medikal. Sa kanyang pasimulang operayon ang ating birthing

home ay bukas mula 8:00 ng umaga hanggang 5:00 ng gabi. Pinangangsiwaan ito ng mga nurses, midwife at doktor ng ating pamahalaang bayan. Regular ang pagbabakuna o immunization ng ating mga sanggol tuwing Miyerkules at Pre-Natal Check Up naman para sa ating mga ina tuwing Huwebes. Ang proyektong ito ay bunga ng pakikipagtulungan ng ating mga kaibigang NGO’s, ang KIWANIS CLUB LAGUNA GEMS at ROTARY CLUB OF SAN PEDRO SOUTH. Layunin po ng inyong lingkod at mga kasama sa serbisyo publiko sa pangunguna ni Punong Barangay NORVIC D. SOLIDUM na maging 24 oras ang serbisyo ng ating birthing home sa darating na panahon. Marami pa pong serbisyong pangkalusugan ang nais ihatid sa inyo ng inyong lingkod sa darating na panahon. Hangad ko po ang inyong pakikiisa sa aking mga proyekto. Suportahan po natin ang mabuting layunin ng ating Punong Barangay sapagkat kaming mga kasama niya ay may tunay na malasakit at nagmamahal sa inyong kalusugan.

INFRA (Tuloy-tuloy na serbisyo... kapakipakinabang na Proyekto para sa mga Kabarangay Ko)

Ulat ni Kagawad KIM ARELLANO - Chairman, Committee on Infrastructure

Dahil sa magandang relasyon ng pamahalaang barangay sa pamumuno ni Brgy. Chairman Norvic D. Solidum sa mga nakakataas na halal na opisyal ng ating lalawigan kung kaya’t buhos ang ilang mahahalagang proyekto nila Gov. Teresita “Ningning” Lazaro” at Cong. Dan S. Fernandez sa ating barangay. Ang pagpapagawa ng Pacita I Convention Center at Covered Court sa Greatland Subd. San Lorenzo Barangay Sattelite Office at pagpapa-aspalto ng Milflores St. ng Elvinda Village ay mula sa ating butihing Ina ng lalawigan , Gov. Teresita “Ningning” Lazaro. Ang pagpapagawa at pagpapakonkreto naman ng mga kalsadang Balagtas, Juan Luna at Amorsolo ng Chrysanthemum Village at ganun din sa Main Road ng Phase 1, Villa Olympia ay nagmula naman sa ating masipag na kinatawan ng Unang Distrito , Congressman Dan S. Fernandez. Ang party list na BAYAN MUNA ay nag-ambag din ng proyekto sa pamamagitan ng pagpapa-aspalto ng Crismor Avenue. Nakikita marahil ng ating mga mahal na namumuno na maganda ang daang tinatahak ng ating Barangay sa pangunguna ni Brgy. Chairman Norvic Solidum kung kaya’t hindi nila ipinagkakait ang mga proyektong ito sa ating barangay. Pamilyar na bukambibig mula sa mga tumutulong na magkaroon ng realisasyon ang mga proyektong ito ang mga katagang... “ Umpisahan mo at tatapusin ko” ngunit ang mga proyektong inumpisahan ng pamunuan ng Brgy. San Vicente ay tuloy-tuloy at walang katapusan sa pagbibigay ng serbisyo ang mga lingkod bayan na pinagkatiwalaan natin ng ating mga boto. Patuloy na nag-iisip ng mga kapakipakinabang na proyekto ang ating butihing Kapitan at kanyang mga kasama at ito ay hindi nagtatapos lamang sa mga blueprint at plano. Kongkreto at solido ang mga proyektong pinakikinabangan ng ating mga kabarangay ngayon.Marami na pong proyektong imprastrakturang nagawa ang ating barangay sa pangunguna ni Chairman Norvic Solidum at pinakabago na ang mga sumusunod na proyekto : Rehabilitasyon at pagpapailaw ng mga Basketball Court sa iba’t ibang lugar ng ating barangay, paglilinis at pag-aayos ng mga drainage system sa Villa Olympia, Pacita Complex, Mercedes 5 at Laguerta. Pagpapasemento ng mga daanan sa Pitong Gatang, San Vicente proper at Sitio Bayan-bayanan. Paglalagay ng deep well at pagpapaayos ng mga artesian well sa ating mga kabarangay sa Sitio Maligaya 1. Pagpapaayos ng mga mahahalagang gusali at iprastraktura na naging instrumento sa pagbibigay serbisyo sa ating mga kabarangay tulad ng Barangay Health Center sa Chrysanthemum Village, Pacita 1, Satellite Office at San Lorenzo Satellite Office. Kasama na din dito ang pagpapaganda at pagpapapintura tennis court sa Elvinda Village at San Vicente Proper Day Care Center. Iilan lamang ito sa mahabang listahan ng mga proyekto para sa kabutihan at kagalingan ng ating barangay kung kaya’t ito ay nagiging modelong barangay na hinahangaan ng karamihan. Katunayan dito ang mga citation at awards na tinatanggap ng pamunuan ng barangay sa mga NGO’s at iba’t ibang ahensiya ng pamahalaan. Gaano man karami ang mga pagkilala at papuri ang tanggapin ng ating barangay ay hindi mahihigitan ang matamis na karangalan ibinigay ng ating mamayan. Ito ang karangalan ng pagbibigay ng buong pusong tiwala sa liderato ng ating mahal na Punong Barangay Norvic D. Solidum at pagbabalik ng serbisyo para sa tao. The first step to Kap. Solidum’s leadership is servanthood. Ang lakas ng liderato ni Kapitan Solidum sa ating pamayanan ay nagmumula sa pagisisilbi sa kapuwa at ito ay sumisibol sa ating pakikiisa sa kanyang mga planong akayin tayo sa daan patungo sa tuloy-tuloy na pag-unlad ng ating ipinagmamalaking barangay San Vicente. Sama-sama tayo sa daan tungo sa magandang bukas…samahan natin si Kap. Solidum sa kanyang magandang mithiin para sa ating barangay, ang kanyang tagumpay bilang isang leader ay tagumpay din ng bawa’t isa sa atin , maliit man o malaki ang ginagampanan natin sa lipunan. Sapagkat ang mga papuri at pagkilala sa kanyang liderato ay salamin lamang at simbolo kung paanong nagkakaisa tayo para mapagtagumpayan ang isang proyekto.

KAAYUSAN AT KATAHIMIKAN NG ATING KOMUNIDAD

Ulat nina: LEODIGARIO PILIPIÑA - Chairman, Committee on Peace & Order
at
DANILO C. BERCILES -Technical Assistant for Peace & Order and Public Safety

Ang pag-unlad at pag-angat ng isang lugar ay palaging nakasalalay sa Katahimikan at Kaayusan na umiiral sa nasabing lugar.” Ang Barangay San Vicente na itinuturing na isa sa pinakamalaking Barangay sa buong lalawigan ng Laguna ay mayroong programang ipinasa sa pamamagitan ng “BARANGAY PEACE AND ORDER COUNCIL”na ipinapatupad sa kasalukuyan, upang mapa-igting ang kampanya para mapanatili ang Katahimikan at Kaayusan (Peace & Order) sa kanyang nasasakupan. Sa kasalukuyan, merong siyam (9) na “Satellite Office”ang Barangay San Vicente, na ang layon ay mailapit sa mamamayan ang serbisyo ng Pamahalaan, tulad ng pagbibigay ng Barangay Clearances, Cedula, pag-aayos ng gusot at di-pagkakaunawaan ng magkakapitbahay, atbp. Ang responsibilidad at obligasyon ng Barangay na ginagampanan ng ating mga Barangay Tanod, ayon sa ating Saligang Batas ay sumasakop lamang sa Kaayusan at Katahimikan (Peace & Order) at ang Seguridad (Security) naman ay sakop ng Kapulisan (PNP), sa pagsugpo ng kriminalidad, katulad ng mga kaso ng Ärmed Robberies”at iba pa, kung kaya’t sila (Pulis) ay binigyan ng angkop at kumpletong kasanayan at sandata para maitaguyod ang kanilang trabaho. Sa kasalukuyang panahon at dahil sa kakaunting bilang ng ating Kapulisan upang tuwirang mapangalagaan ang seguridad ng humigit kumulang sa 300,000 mamamayan ng Bayan ng San Pedro, marami sa ating mamamayan ang umaasa sa ating Pamahalaang Barangay pati na sa problemang pang Seguridad, bagkus sila ay naniniwala pa rin na ang usaping ito ay sakop pa ng Barangay. Bagama’t ang seguridad ay hindi sakop ng Barangay, ito ay pilit na ginagampanan ng ating mga Barangay Tanod ayon sa adhikaing pina-iiral ng ating Punong Barangay NORVIC D. SOLIDUM na ang “Security is Everybody’s Concern”, kung kaya’t kasama dito ang proyektong “Report A Crime”, kung saan ipinamimigay sa lahat ng sector tulad ng Tricycle, Sari-Sari Stores at mga kabahayan ang “Stickers”na nagsasaad ng “Hotline”ng Barangay San Vicente, San Pedro Police, San Pedro Fire Station at DILG 117, kung saan maaaring makipag-ugnayan o mag-ulat ukol sa mga bagay pang-seguridad. Matagumpay na naipasa ng ating Sangguniang-Barangay na inayunan naman ng Sangguniang Bayan ang Kautusang Pambarangay (Barangay Ordinance) Blg. 03-07, na tahasan at mahigpit na nagpapatupad ng regulasyon ng operasyon ng lahat ng “Computer Shops”at “Internet Cafe’s”sa lahat ng lugar na nasasakupan ng Barangay San Vicente, upang mapangalagaan ang kinabukasan ng ating mga kabataan lalo’t mga estudyante. Kasama sa mga programang kasakuyang pina-iiral ng ating Barangay ukol sa Katahimikan at Kaayusan, pati na rin ang Pang-seguridad ay ang mga sumusunod : Paglikha at pagtatalaga ng mga “Barangay Mobile Reaction Teams”para sa apat (4) na itinalagang Cluster Areas”sa buong nasasakupan ng Barangay San Vicente, kung para sa mabilisang pag-responde sa anumang tawag saklolo. Ang palagiang pag-iikot o “Visibility”n gating “Mobile Patrol”para magtaboy o bumugaw, bagkus magsilbing panakot o “Deterrent”sa mga masasamang loob upang gumawa ng anumang karahasan o krimen sa ating lugar ; Team Alpha (A)- para sa nasasakupan ng Pacita Complex I at San Vicente Ville; Team Bravo (B)- para sa nasasakupan ng Pacita 2 Phase 1 at Phase 2, Pacita 2-A, 2-B at 2-C, Mercedes-5, Villa Castillo, Sto. Niño, Console I at XII, Elvinda, Olivarez, Greatland at Guevarra Villages/Subdivisions; Team Charlie (C)- para sa nasasakupan ng Chrysanthemum, Rosario Complex, Villa Olympia Phase 1,4 at 6, Stone Crest, Harmony Homes at Adelina II/II-A; Team Delta (D)- para sa nasasakupan ng San Vicente Proper, St. Joseph, Console III at Villa Milagrosa Subdivisions. Paglikha ng “Barangay Traffic Management Team” upang makapag-bigay suporta at tumulong para sa kaayusan ng trapiko sa nasasakupan ng Barangay San Vicente; Pina-igting ang pagsuporta sa mga “Peace and Order Programs”ng mga “Homeowner’s”at mga “Neighbourhood Associations”sa pamamagitan ng pag “Deputized” o pag-hirang ng kanilang mga “Security Force”bilang mga Volunteer Barangay Tanods upang mabigyan sila ng kaukulang kapangyarihan para mapanatili ang katahimikan at kaayusan sa kani-kanilang mga komunidad; Pagtatalaga ng mga “Security Outposts”sa iba’t-ibang lugar ng Barangay San Vicente, upang mapa-igting ang kampanya laban sa kriminalidad, ang mga “Security Outposts”na ito ay nagsisilbing “Choke-Points”habang mayroong nai-ulat na kriminalidad ka kani-kanilang mga komunidad; Ang kasalukuyang “Peace and Order Program” ay ipinatupad noong Hulyo 20, 2008 at sa humigi’t kumulang limang (5) buwan hanggang Disyembre 20, 2008 ang kriminalidad sa nasasakupan ng Barangay San Vicente ay bumaba ng mahigit sa 80%, lalo’t sa mga kaso ng “Snatching”na ang gamit ay motorsiklo. At sa hindi inaasahang pangyayari, noong buwan ng Enero 2009, biglang tumaas ang kriminalidad, lalo’t sa kaso ng “Hold-Ups o Armed Robberies”gamit ang motorsiklo, na naiulat na nangyari na may labing-tatlo (13) beses at sa unang linggo naman ng buwan ng Pebrero 2009, halos araw-araw ay meron kasong “Hold-Up”. Nagkaroon din ng insidente na ang ating Barangay Tanod ay natutukan ng baril ng mga Kriminal at walang nagawa ang ating Barangay Tanod dahil ang kanilang armas ay pito at batuta lamang. Ang mga pangyayaring ito ay naipaabot na natin sa mga kinauukulan upang magawan nila ng kaukulang aksiyon lalo’t ang mga kasong ito ay tungkuling pang-seguridad. Ang Barangay San Vicente sa pamumuno ni Punong Barangay NORVIC D. SOLIDUM, sampu ng mga Kagawad at mga kawani ay tahasang naniniwala na ang daan tungo sa kaunlaran ay sa pamamagitan ng Katahimikan at Kaayusan (Peace & Order) pati na ang Seguridad ( Security) ay matagumpay lamang nating makakamit sa pamamagitan ng tahasang kooperasyon, suporta at pakikiisa ng mga mamamayan ng ating Barangay.

PANG-KABUHAYAN PARA SA ATING MAMAMAYAN

Minsan sa isang pagpupugay sa bandila ng Filipinas o “Flag Raising” Ceremony na ginanap sa ating barangay ay may isang “senior citizen” na kung saan ay naging kabahagi ng ating lipunan at ng ating ekonomiya na lumapit sa inyong abang lingkod at nag tanong...

“Ano po ba ang maitutulong ninyo sa aming may edad o Senior Citizen?” Nag-isip ako at tinugunan ko ang kanyang katanungan... “Ako po ay may hangarin na mag-imbita sa lahat ng ating mga senior citizen na nakatira sa nasasakupan sa ating barangay hinggil sa paggawa at matutunan ang mga makabagong paraan ng gawain pangkabuhayan sa bawa’t kabarangay ko na may edad o senior citizen, na kung saan ay naging kabahagi ng ating ekonomiya.”

Ang tugon sa kanyang katanungan ay pagsagawa ng agarang aksiyon ng inyong lingkod Kagawad Cesar O. Caisip sa pagpapatawag ng isang maiking pag-aaral or “seminar” hinggil sa paggawa ng mga sumusunod ; longganiza, tocino, crispy dilis, fish balls, squid balls at kikiam.

Isa si Mang Pedro ng San Lorenzo (ang senior citizen na nagtanong sa akin) sa napakaraming tumugon at dumalo sa naturang seminar at nakinabang sa dagdag kaalaman pangkabuhayan at ngayon ay kasalukuyang nagbebenta na siya sa kanilang subdivision ng tocino at longganiza.

Dahil dito, sa pagsusumikap ng inyong lingkod ay iminungkahi ko sa ating butihing Punong Barangay

Norvic D. Solidum na magkaroon ng isang livelihood training center ang ating barangay. Sa pagpapahalaga ng ating punong barangay at bilang pagtalima sa kautusan ng batas (section 16, Local Gov’t Code) ay naitayo ang Barangay San Vicente Livelihood Training Center na matatagpuan sa Adelina II-IIA, Brgy. San Vicente, SPL.

Sa kasalukuyan ay may mga kurso na tayong inihain sa ating mga kabarangay tulad ng mga sumusunod : Basic Computer, cosmetology, reflexology, hotel and restaurant services, soap making, candle making at food processing.

Mula ng maitayo ang BSVLTC ay humigit kumulang na apat (4) na libo na ang mga nagsipagtapos sa mga kursong nabanggit. Sa apat na libong nagsipagtapos dito ay 90% ang ating kabarangay at 10% naman ang galing sa ibang barangay at sa ibang kalapit na bayan tulad ng Binan, Sta. Rosa, Cavite, Muntinlupa, Las Pinas at Taguig. Nagpapasalamat naman tayo dahil marami sa mga nagsipagtapos dito ay may sarili nang negosyo, ang iba ay nasa ibang bansa at kanilang nagamit ang mga sertipiko ng pagtatapos para sa trabaho na kanilang pinasukan.

Kamakailan lamang , noong Nobyembre 15, 2008 nakapagpatapos tayo ng 20 trainees sa Food Processing, 43 sa Basic Computer, 41 sa Reflexology, 38 saHotel and Restaurant Services, 39 sa Candle Making, 21 sa Soap Making at 18 sa Cosmetology. Tuloy-tuloy po ang panawagan natin sa ating mga kabarangay na mag-aral dito upang kahit papaano ay makatulong tayo sa ating mamamayan na mai-angat ang kanilang kabuhayan.

Hindi lamang po ang paghubog ng kagalingan at kasanayan ng ating mga kabarangay ang ating pinagtutuunan ng pansin upang tayo ay makatulong na makabawas sa dinadanas na krisis ng ating bansa kungdi na rin hinahanapan din natin ng solusyon ang unemployment problem sa ating lugar kung kaya’t ang Barangay San Vicente ay nagpasa ng isang ordinansa na sa bawat huling sabado ng buwan ng Enero at Hulyo ng bawat taon ay magkakaroon ng JOB FAIR sa ating barangay. Ang ordinansang ito ay isinulong ni KONSEHAL ALLAN MARK V. VILLENA noong siya ay kagawad pa ng barangay at ipinagpatuloy po lamang ito ng inyong abang lingkod. Ito po ay ginaganap sa Congressman Nereo Joaquin Sports Complex sa Phase 2 Pacita Complex I, San Pedro, Laguna.

Nag-iimbita po tayo ng mga kumpanya at ahensiya ng ating pamahalaan katulad ng National Bureau of Investigation (NBI), Philippine National Police (PNP), Social Security System (SSS) at Bureau of Internal Revenue (BIR) upang maging kaagapay ng proyekto. Noong nakaraang Job Fair , Enero 31, 2009 ay nakapagtala tayo ng 1,070 aplikante, 49 ang lumahok na kumpanya, 130 ang kumuha ng NBI clearance, 41 ang kumuha ng Police clearance, 160 ang kumuha ng T.I.N. (BIR), 138 ang kumuha ng SSS Number, 760 ang kumuha ng Community Tax Certificate at 46 ang kumuha ng Barangay clearance.

Ang pag-uulat na ito ay ilan lamang sa mga pangunahing proyekto ng ating barangay sa pangunguna ng inyong abang lingkod bilang tagapamuno ng komiteng ito. Mapalad tayo sapagkat ang ating Punong Barangay ay hindi nagsasawa sa pagsuporta sa mga proyektong katulad nito na malaki ang maitutulong hindi lamang sa ating mga kabarangay kundi na rin sa mamamayan ng ating bayan at karatig pook nito.

Hanggang sa muli pong pag-uulat.

“SERBISYONG TOTOO...PARA SA DIYOS AT PARA SA TAO”

CESAR O. CAISIP

Kagawad

EDUKASYON... SANDATA NATIN SA KAHIRAPAN, LANDAS SA KAUNLARAN

Ulat ni Kagawad ANDY TEE REYES, III
Chairman: Committee on Education

Ang kahalagahan ng edukasyon at paglinang sa angking talino na siyang mabisang sandata natin sa pag-unlad ang siyang itinanim sa

atin ng mga dakilang bayani ng ating lahi tulad ni Gat Jose Rizal ay siya ring pinaniniwalaan ng inyong lingkod Kagawad Andy Tee Reyes at ating Punong Barangay Norvic D. Solidum kung kaya’t sa kanyang pangunguna at suporta sa ating mga p

royektong pang-edukasyon tayo ay nabibigyan ng maliwanag na daan tungo sa kaunlaran. Mula sa paghubog ng murang kais

ipan ng ating kabataan hanggang sa sila ay makatapos ng kurso sa kolehiyo ang pamunuan ng barangay ay gumagawa at

nagbibig ay tulong sa mga ganitong proyekto. Patunay dito ang pagtataguyod ng ating barangay ng dalawampu (20) Day Care Center na kung saan ang 13 dito ay pinangangasiwaan ng ating barangay. Sa kasalukuyan bilang niton

g buwan ng Marso 2009 ang ating barangay ay mayroon animnapu’t dalawa (62) Barangay scholar, apatnapu (40) ang bilang sa sekondarya at dalawampu’t lima (25) naman ang sa kolehiyo na binubuo ng sa mga karapat-dapat na mag-aaral na may tiyaga at sipag na mapanatili ang kanilang magandang grado (85% average grade) hanggang sa sila ay makatapos. Ang ating barangay ay sumasabay din sa pangangailangan ng ating mag-aaral sa modernong panahon kung kaya’t naglagay tayo ng Community E-Center na kung saan sampu (10) computer na magseserbisyo sa mga mag-aaral sa kanilang mga research work sa pamamagitan ng libreng paggamit ng internet service. Pinahahalagahan din ng ating Punong Barangay at ng inyong lingkod bilang committee chairman ng Lupon ng Edukasyon ang pagmamahal ang ating sariling wika kung kaya’t tuloý tuloy ang taunang patimpalak tuwing buwan ng Agosto, sa Buwan ng Wika, sa huling linggo nito ang “ NORVIC D. SOLIDUM SCHOLASTIC COMPETITION” na

nilalahukan ng mga pribado at pampublikong paaralan na nasasakupan ng ating barangay. Ito ay permanenteng ginaganap sa bisa ng Kautusan Pambarangay blg. 08-20 na buong pagkakaisang sinang-ayunan ng Sangguniang Barangay ng San Vicente. Ang nakaraang patimpalak ng Buwan ng Wika ay ginanap sa Mater Ecclesiae School noong Agosto 28-29 ,2008. Si Kgg. Ricardo M. Duran Nolasco , Punong Tagapangulo ng Komisyon ng Wikang Pilipino ang siyang nagging panauhing pandangal ng naturang selebrasyon.

Inilunsad din ng inyong lingkod noong Disyembre 2008 at buong pusong sinuportahan ng ating Punong Barangay Norvic D. Solidum ang patimpalak sa 1^st NORVIC D. SOLIDUM CHORALE FESTIVAL , bilang pakikiisa natin sa pagdiriwang ng pagsilang ng ating Dakilang Manunubos na si Hesukristo. Ito ay nilahukan ng mga magagaling na chorale group mula sa iba’t ibang paaralan sa ating barangay at ginanap sa Plaza Pacita.

Matuwid ang daan tungo sa pag-unlad kung pagbubutihin natin ang paglinang ng ating edukasyon at tayo ay magtutulungan makapag-ambag ng kagalingan para sa ating kapuwa at komunidad. Ang ating barangay sa pamumuno ni Punong Barangay Norvic D. Solidum at ang inyong lingkod bilang Chairman ng Committee on Education ay may ganitong pananaw kung kaya’t marapat lamang na suportahan natin ang mga programa ng barangay, maliit man o malaki ang ginagampanan natin sa buhay bilang kabahagi ng komunidad at ng ating pamahalaang barangay.

Kagawad Andy T. Reyes, III

MENSAHE

SA AKING MGA KABARANGAY,

Ang kasabilhang “ SERBISYONG TOTOO. . PARA SA DIYOS AT PARA SA TAO”, ay isang adhikaing ginagawa at pina-iiral ng Pamunuan ng Barangay San Vicente, upang tahasang matugunan sa pamamagitan ng pamamaraan ang pangangailangan, bagkus mabigyan din ng kalutasan ang iba’t-ibang problema ng ating mga mamamayan, lalo’t sa panahon ng kahirapan.

Marami na ang nagawa ng ating Barangay ayon at naaangkop sa tamang programa at pag lagay ng pondo para sa pakinabangan ng higit na nakakaramin nating mga kababayan. Ang mga programang ito ay na naka-focus sa mga sumusunod: 1)Barangay Scholarship Program, na naglalayong mabigyan ng pagkakataon ang ating mahihirap ngunit matatalinong mga bata upang makapagtapos sa kolehiyo. Sa kasalukuyan, meron tayong 40 Scholars sa High School at 25 sa College. At mula noong 1995, humigit-kumulang 65, ang nabiyayaan ng ating Scholarship Programnanagtapos na ng kanilang pag-aaral mula sa High School hanggang College, kung saan halos silang lahat ay mayroong ng mga sariling Propesyon at Trabaho; 2) Patuloy na pagpapairal ng “Comprehenssive Barangay Peace & Order Program” upang mapanatili ang katahimikan at kaayusan sa buong nasasakupan ng ating Barangay na binubuo ng mahigit-kumulang 42 Subdivisions/ Villages at 8 Sitios. Kasama sa programang ito ang aktibong partisipasyon at pakipagtulungan ng mga “Homeowners Associations”, sa pamamagitan ng pag-organisa at pagtatag ng kani-kanilang “Security Force”, na mayroong kaakibat na paghirang bilang mga “Volunteer Barangay Tanods”, upang mas higit nilang mapangalagaan ang kanilang mga kumunidad, kasama ang mga nakatalagang pirmihang mga Barangay Tanod ng San Vicente. Kasama din sa programang ito ay ang pagpapaigting na “ 24-Hour Mobile Roving Patrol to deter Criminal Elements from committing their nefarious activities”; 3)Ang pagdadaos ng “FREE MEDICAL & DENTAL MISSION”, tuwing buwan ng Marso, taon-taon, kung saan maraming Doctor, Nurses, Dentists, atbp ang iniimbitahan para magbigay ng kanilang libreng serbisyo sa ating Mahihirap na mga mamamayan. Kasama din sa programang ito ay ang pagbibigay ng libreng gamot at ang pag “donate” ng dugo sa Phil. National Red Cross; 4) Pagpapatayo ng Barangay San Vicente Birthing Homes - na nangangalaga ng mga nag-dadalang tao sa pamamagitan ng pag-bibigay ng prenatal check-up, pag-papaanak sa murang halaga at pag-subaybay sa kalusugan ng mga sangol na bagong panganak; 5) Patuloy ang mga pagawaing-bayan, na tumutugon sa maraming problemang pang-edukasyon, pangkabataan, pangkalusugan, pang-kalikasan, pang-seguridad, pang-kabuhayan, atbp., tulad ng mga sumusunod: a) Pagpapatayo at ang patuloy na pangangasiwa ng mga “Daycare Centers” para sa mga bata na may edad na hindi pa puwede sa Elementarya (Pre-School Children). Sa kasalukuyan ang Barangay San Vicente ay mayroong 13 Daycare Center; b) Pagtaguyod at patuloy na pagsuporta sa pamamagitan ng Sangguniang-Kabataan, ng mga palaro (Sports), sa layuning ilayo ang mga kabataan sa masasamang bisyo; c) “Declogging” at paglilinis ng mga daluyan ng tubig, kanal at estero; d)Patuloy na pangangalaga ng mga Basketball at Tennis Courts, pati angt pagpapailaw, pagpipintura, atbp.; e)Patuloy ang programang pang-kalikasan at pangkalinisan, tulad ng pagtatanim ng mga puno sa mga “open Spaces” at mga tabing kalsada, ang paglilinis ng mga lugar sa hanapan ng mga Pabrika at mga Pagawaan, sa tulong ng mga nasabing Pagawaan at ng mga Organisastion Sibiko, gaya ng Rotary Clubs, Kiwanis Clubs, atbp.; f) Patuloy na pamamagitan sa NFA upang mapaabot sa Barangay San Vicente ang murang bigas; i) Pagtataguyod at pagdaos dalawang (2) beses isang taon ng “Job Fair” kung saan maraming Tanggapan, Pabrika, Negosyante, atbp., ang iniimbitahan upang magkaroon ng pagkakataon ang ating mamamayan na magkaroon ng trabaho; j) Pagdaos ng regular na programa ukol sa pagbabakuna ng mga aso (Anti-Rabies Vaccination), upang mapangalagaaan ang kaligtasan ng mga mamamayan; k) Patuloy na program para “Informal Education” upang

mabigyan kabuhayan ang ating mamamayan sa pamamagitan ng mga t mga kursong ibinibigay ng ating Barangay Livelihood Training Center; l) Pagbibigay tulong pinansiyal at material para sa mga biktima ng sakuna, karamdaman at kamatayan;

Marami pang mga programa at proyekto ang ating Barangay, lalo’t sa mga darating pang panahon kaya’t minamarapat ng inyong Habang-Lingkod sa hikayatin ang ating mga mamamayan upang tumulong at makiisa sa programa ng ating Barangay para matiyak ang ating patuloy na pag-unlad, at pagkakaroon ng kuminidad na matahimik at mapayapa.

Bukas po ang aking opisina sa lahat ng inyong pagpuna, suhestiyon at tulong para mapaigting pa natin ang Serbisyong-Bayan para sa lahat.

Lubos na nagpapasalamat sa inyong kooperasyon at pakiki-isa.

NORVIC D. SOLIDUM

Punong Barangay